Azken argitalpenak

Euskal Herriko landunen %14,7ak lanaldi laburtua du 2010eko datuen arabera, hau da, astean 30 lan ordutara ez dira iristen. Landun guztiekiko lanaldi laburtua dutenen portzentajean hazkundea eman da aurreko urtearekiko 0,3 puntutan eta 0,5etan 2008arekiko.

Hazkundeak, ordea, ez du esan nahi lanpostuen sorrerarik eman denik, izan ere, 2007/10 urte artean mota honetako lanaldien murrizketa pairatu baita 9.600 lanpostu galtzeraino. Lanpostuen suntsiketa, ordea, proportzioan altuagoa izan zen epealdi horretan lanaldi osokoen artean.

Azken hiru urteetan hiru postu igo ditu Irlanda, Txipre eta Belgikak baino gas gehiago isurtzeagatik biztanleko

2009 urtean zehar Euskal Herriko karbono dioxidoaren isurketak %3,5eko murrizketa izan zuen aurreko urtearekin alderatuz. Milurtekoaren lehenengo bosturtekoan emandako isurketen hazkundearen ostean, laugarren urtez jarraian CO2 isurketak jaitsi egin dira. 2009ko datuen arabera, Euskal Herrian 31.300 mila tona metriko CO2 isuri ziren.

2006-2010 urte artean Euskal Herriko 78 udalerritan establezimendu kopurua jaitsi egin da eta 25.000 eta 50.000 biztanle arteko udalerrietan eman da jaitsiera kopururik apalena.

Jaitsi hemen ranking-eko dokumentua.

2011n Euskal Herriko inportazioen portzentajea BPGarekiko %26,4koa izan zen.

EAEko garraio sektorearen energia kontsumoa eta CO2 isurketak murrizteko bideak. Eszenarioen azterketa bat izeneko kaleratu berri du Gorka Bueno EHUko irakasleak Renewable & Sustainable Energy Reviews aldizkarian.

Ikerketak Euskal Herriko garraio sistemaren argazkia uzten digu, hau da, herri industrializatu batena, eta irakasleak energia kontsumoa murrizteko 6 eszenario desberdin aintzat hartu ditu batzuk teknologikoak dira beste batzuk ez.

Inportazioek Euskal Herrian %12,5ko hazkundea izan zuten 2011 urtean aurreko urtearekin alderatuz, ondorioz, kanpo ondasun eta zerbitzuen kontsumoa hazten darrai Euskal Herrian baina erritmoa apalagoa da aurreko ekitaldian baino. 2010ean inportazioen hazkundea %25,4koa izan zen. Emaitza positiboa kontuan izanik aurrekari moduan 2009 urtea oso beltza izan zela -%36,3ko beherakadarekin.

Kontsumo Prezioen Indize orokorrak (2011 urtea) %2,5eko hazkundea izan zuen Iparralden eta %3,2koa izatera iritsi zen Nafarroa Garaian. 2010 urtearekin alderatuz hazkunde handiagoa eman zen, igoera hau 2010 urtean zehar %1,9koa Iparralderako eta %1,5 Gipuzkoarako izan baitzen.

Euskal Herria osatzen duten 685 udalerrietatik 178k %25eko edo gehiagoko zahartze tasa dute. Honek esan nahi du Euskal Herriko udalerrien laurdena egoera oso larrian dagoela, hauetariko gehienak desagertzeko edota epe laburrean desertifikatzeko arriskuan egonik (biztanleria kopuru murritzagatik eta zahartze tasa altuagatik). Zahartze tasarik altueneko lurraldeak Nafarroa Garaian kokatzen dira, guztira 123 udalerri (nabarmentzekoak dira Pirinioaldea eta Erdialdea).

Euskal Herrian patenteak %48,2 murriztu ziren 2009 urtean zehar aurreko urtearekin alderatuz. Horrek esan nahi du boskoiztu egiten dela 2008an (%-9,4) alor honetan emandako jaitsiera eta ondorioz azken hamarkadan biztanleko patente kopuruaren ratioa inoiz ezagutu gabeko zifretan kokatzen da (31,6 patente milioi bat biztanleren arabera), EUROSTAT eta EPOko datuen arabera.

Europako patenteen bulegoan onartutako IKT patente kopurua, 2009 (1000.000/bizt.)

Erizainen ratioa igo da azken hamarkadan, ospitaletako ohe kopuruarena, aldiz, jaitsi

Euskal Herrian 13.156 medikuk dihardu, EUROSTAT-en arabera (2010 urteko datuak). Alegia, 424 mediku ehun mila biztanleko. Datu honek aurreko urtearekiko hazkundea izan du eta 2006 eta 2008 urteetako gora-behera alde batera utzita, goitiko joerari eutsi dio medikuen ratioak azken urteotan.

Lurraldeka Nafarroa Garaia da 612,3 medikurekin batez besteko nazionala gainditzen duena. Azken bi urteotako gorakadak ekarri du emaitza hori.