Mahai ingurua: Zer behar du Iparraldek Hegoalderekin?

Gaindegiak Iparraldeko ekonomia eta gizarte alorrean mugaz gaindiko lankidetzan engaiatutako 6 eragile elkartu ditu mahai inguru batean Iparralde eta Hegoalderen arteko lankidetzaren inguruan eztabaidatzeko. Zer behar du Iparraldek Hegoalderekin? Galdera hori abiapuntu izanda, Jean Michel Larrasquet (ESTIA), Peio Olhagaray (Baionako Merkataritza Ganbara), Mixel Berhokoirigoin (EHLG), Amaia Fontan (LAB), Mitchel Etchebest (Artzainak Taldea eta Mauleko Auzapeza) eta Jose Luis Aizpuruk (Euskal Irratiak) hitza hartuko dute Eguzki Urteagaren (EHU) gidaritzapean. Ekitaldia irekia izango da UEUko ikastaroen karietara. Uztailaren 5ean, arratsaldeko 17:00etan hasita, Baionan. Izena eman.
gaindegia ·k sortua ·an

Euskal Herria 2010 ispiluaren aurrean

Nafarroa Garaiko Auzitegi Gorenak Euskal Herria existitzen ez den eitea dela esan berri digu eta, ondorioz, Euskal Herria izendapena ez dagoela testu liburuetan baliatzerik. Paradoxa ordea, hortxe dago, ukatzeak berak aitortzen diola izatea. (...) Jarraitu irakurtzen. Xabier Isasi eta Imanol Esnaola, Gaindegiako Lehendakari eta Idazkariaren iritzi artikulua.

Atzerriko kapitalaren pisua Euskal Herrian

Atzerriko kapitala erakarri eta mantentzeko ahaleginetan Euskal Herriak geroz eta lehiakide gehiago ditu. Egindako inbertsioak eta sorturiko lanpostuak mantentzea eta hauek areagotzea litzateke erronka, une batetik bestera, atzerriko inbertsiogileek erabakiz aldatu dezaketelako eta tokiko egoera menpeko bihurtu. Irakurri BERRIA egunkarian, 2011/04/10, gaiaren inguruan argitaratutako erreportajea.
gaindegia ·k sortua ·an

Zahartze demografikoa Euskal Herrian

Erretiro-pentsioen inguruko eztabaida dela eta, aurtengo udazkenean zahartze demografikoa behin eta berriz aipatutako gaia izan dugu. Baina gai honi buruz politikoek zein hedabideek helarazten diguten informazioa, nahasia izateaz gain, askotan ez da zuzena. Hona hemen zahartze demografikoaren definizioa, Euskal Herrian dugun egoeraren azterketa laburra eta prozesu honen ondorioen inguruko gure hausnarketa. Irakurri jarraian, Marta Luxán Serrano eta Unai Martin Roncero Soziologo eta EHUko Irakasleen azterketa.