Gobernantza eta lurralde-lehiakortasunaz Ekonomiaz aldizkarian
Europako Batasuneko testuinguruan lurraldeen eta erregioen arteko lehiakortasunak geroz eta pisu handiagoa du. Ekonomiaz aldizkariaren azken alean, Araba, Bizkai eta Gipuzkoako kasuak aztertzen dira erreferentzia desberdinak aintzat hartuz: Innobasque, garapen agentziak, klusterrak... Irakurri Ekonomiaz 74 zenbakia.
Orhipean parke tematikoa Hernanin, Azaroak 5-7
Azaroaren 5etik 7ra bitartean Hernanin Euskal Kulturaren komunikaziorako eta ezagutzarako gunea ospatuko da eta Gaindegia bertan izango da Euskal Herriko ekonomiaren eta gizartearen Atlasa aurkezten, www.atlasa.net. Ikus egitaraua.
Independentzia ekonomikoa
Krisia ekonomikoa soilik ez dela arras konbentzituta dago Nekane Jurado ekonomialaria eta Euskal Herriaren etorkizun sozio ekonomikoari begira autogobernua eta independentzia proposatzen ditu soluzio posible gisa. Independencia: de reivindicación histórica a
necesidad económica izeneko liburua da egilearen azken lana, Txalaparta argitaletxearekin argitaratua. Erreferentzia gehiago.
Iparraldeko barnekaldean enpresak sustatzeko ekimena
Tokiko ekonomia biziberritzeko helburuz, urriaren 14ean Donapaulen enpresak sortzen laguntzeko jardunaldia antolatu da. Bertan, arloko profesionalak bilduko dira gerturatzen den orori laguntzeko. Horien artean izanen dira Xiberoako Odace eta Baxenafarroko Indar Elkarteak. Irakurri albistea Kazeta.info-n.
Erregio polinuklearraren garapen armonikoa formula egokia da Euskal Herriko ezaugarrientzat
Euskal Herriaren puntu ahulen artean Xabier Isasik lurraldeen arteko kohesio falta nabarmentzen du, batez ere, eta gestio integralerako herraminten karia. Indarguneen artean, berriz, kokatzen ditu bere garapen maila altua eta euskara eta kultura, bertako gizarte kohesionatuaren adierazle. Irakurri GARA egunkarian, 2010/10/03an egindako elkarrizketa.
Iparraldeko egoera sozio demografikoaren azterketa. Entzungai.
10 urteotan Iparraldeko biztanleria
hazi egin da barnealdearen kalterako eta kostaldearen mesederako, biztanleria heldua eta jaiotze tasa baxua dago, zerbitzuen sektorea gailentzen da sektore ekonomikoetan
lehenengo sektorearen kalterako eta industria ahula da. Lan merkatua prekarioa da eta azken hau feminizatzen ari da. Gazteak atzerrira joaten dira ikastera eta ez dute beraien
bizitza profesionala Iparraldean garatzen. Ondorio hauek eta gehiago lotu zituzten Eguzki Urteaga, Eneko Bidegain eta Lontzi Amadok Gaindegiak UEUko udako ikastaroetan antolatutako hitzaldian. Entzun audioak.
Krisiaren inguruko mahaingurua entzungai
Nekane Juradok, Baleren Bakaikoa eta Antón Borjak egungo egoera sozio-ekonomikoaz hausnartu zuten eta Carlos Etxeberri kazetariaren gidaritzapean, euskal ekonomiaren erronkak eta balizko aterabideen inguruan solastu ziren 2010eko uztailean Gaindegiak antolatu zuen mahai inguruan. Eztabaida entzungai dago hemen.
Gaindegia UEUko udako ikastaroetan
Ipar Euskal Herriko egoera sozio-demografikoaren azterketa eta analisia azaltzeko jardunaldiarekin parte hartuko du Gaindegiak UEUko udako ikastaroen baitan. Uztailaren 8an, Baionan, Eneko Gorri eta Eguzki Urteaga soziologoek azken hamarkadan Iparraldeko argazkia nola aldatu den eta joerak zeintzuk diren aurkeztu eta aztertuko dituzte.
Gaindegia Txostena 2009
Euskal Herriko ekonomiaz eta gizarteaz gogoeta egiten duen argitalpena prest da, GAINDEGIA TXOSTENA 2009. Hirugarrenez, Gaindegiak, egungo ekonomia eta gizarte arloko egoera hobeto ulertzeko gakoak eskaintzen ditu, informazio eta datu berriekin.
Elkarlanean muga inguruko egoera sozio-ekonomikoan
Intereg IV programaren laguntzarekin Bidasoa Activa eta Hego Lapurdi Herri Elkargoaren artean eratu den Innov-Mugabe programak Hegoaldeko zein Iparraldeko egoera sozial eta ekonomikoaren garapenari bultzada eman nahi diete. Era berean, ESTIA eskola teknikoak ERALAN 2 programarekin jarraituko du.