Ekonomiaz aldizkariaren 79. zenbakian kooperatiben bilakaeraz hausnartzen da 10 artikulu desberdinetan. Aztergaiak askotarikoak dira, besteak beste, Mondragón Taldeak egungo krisiaren inguruan hartu duen estrategiaz edo euskal erakundeek kooperatibismoaren inguruan jarraitutako eta aplikatutako politikak, esate baterako.
I+Gan Euskal Herrian egindako gastuak hazkunde egonkorrari eutsi dio azken hamarkadan. Bizi ditugun aldaketa garai hauetan ikerketa eta garapeneko ahalegina handitzen jarraitzea ezinbestekoa da gure gizartea eta ekonomia garai berrietara egokitzeko. Edonola ere, hazkundea ezkorra da 2009 urtearekiko, arretaz jarraitzeko datua.
Artzainak taldeko burua eta Mauleko alkate den Michel Etchebest-ek Euskal Irratietan emandako elkarrizketan egun Ipar Euskal Herriko lurralde garapena eta ekonomia baldintzatzen dituzten auziak aztertu eta bere iritzia ematen du (30. Minututik aurrera). Biziki interesgarria Ipar Euskal Herrian egun aktualitatea zertan den jakiteko.
Gaindegiak ere elkarrizketatu zuen Michel Etchebest Euskal Herriko erronka ekonomiko eta sozialen inguruan.
Gazta egiteko baliatzen den esnearen prezioak gatazka aipagarria eragin du Ipar Euskal Herrian. Salneurri baxuek eta ekoizpen osoa erosteko konpromisoari huts egiteak ekoizleak etorkizunari begira jarri ditu. Zer egin etorkizunean gazta ekoizleen prezio ezarpenari aurre egiteko? Bertako ekoizpena eta kalitatearekin engaiatutako gaztandegia eraikitzeko erabakiak aro berri bat zabalduko du Iparraldeko esnearen industrian ez ezik baserritarren estrategia komertzialean.
Balio erantsi gordina landuneko (€), 2009
Euskal Herria Europako Batasuneko erregioen testuinguruan
Euskal esportazioen bilakaera positiboa izan da 2010 eta 2011 urteetan. Edonola ere, ezin ahantzi 2008 eta 2009an behera egin zutela, eta 2011 urteak hazkunde positiboa izan bazuen ere (%15,1) 2010ean (%23,5) baino apalagoa izan zela.
Honela, egun Hego Euskal Herriko ekonomia gero eta irekiagoa da, ez ordea, Ipar Euskal Herrikoa, non oraindik ere bere enpresentzat Frantzian dagoen bezero ia bakarra.
Antxon Lafont, enpresaria, luze eta zabal Gaindegiari eskainitako elkarrizketa batean Euskal Herriko etorkizunaz mintzatu zen. Jorratutako gaien artean, finantza erakundeen geroa, menpekotasun energetikoak, azpiegiturak, gizarte politikak, ikerketa eta garapena... daude. Joxerra Bustillo kazetariaren gidaritzapean, Lafont-ek Euskal Herria: erronka sozioekonomikoak liburuan parte hartu zuen beste 12 elkarrizketaturekin batera.
Kutxen fusio aroa amaitzera doa eta azken orduan Nafarroako Kutxak (CAN delakoa) Caixabank-ekin egin du tratua. Berriro ere, Patxi Zabaletak Gaindegiaren ekitaldi batean aipatutako Jesus Aizpunen araua beteko da, Nafarroa edonorekin bere senideekin izan ezik.
Elkartzenek pobreziaren muga BPG per capitan oinarritzea exijitzen du, aberastasunaren banaketa justua helburu izanik. Pobreziaren muga BPG per capitaren %37,5a izan behar dela dio (963€ x 12 hilabete, 2012. urtean). Neurgailu horren arabera, gaur egun, Euskal Herriko 900.000 pertsona muga honen azpiko diru-sarrerekin bizi dira.
Kutxabank-eko lehendakariordeak, Xabier Iturbe, uko egin zion Espainiako Bankuko gobernadorearen proposamenari, Kutxek bertako enpresetan duten parte hartze finantzarioari uko eginez gero, bertako enpresak deslokalizatu eta kontrola galtzeko arriskua dagoelakoan (Jatorrizkoa espainolez). Ikus Noticias de Gipuzkoan.