Argitalpenak

Zerga politikaren inguruan oso kritiko azaldu dira adituak: Hegoaldeko zerga bilketa apala izan da EBarekin alderatuz, presio fiskal apala medio, eta lan errenten tipoa denez finkoa ez den bakarra pisu nabarmena hartzen du zorra estaltzeko garaian. Irakurri Argia aldizkarian, 2.195 alean banatutako Larrun gehigarrian, Mikel Noval eta Baleren Bakaikoari eginiko elkarrizketa.

Mugaz gaindi lan egin eta bizitzeak eragindako behar eta galderei erantzuteko gida kaleratu du hirugarrenez Bidasoa Txingudi Mugaz Gaindiko Partzuergoak. Bertan, Espainiako eta Frantziako koadro fiskalak azaltzearekin batera hezkuntza, osasuna, lan mundua etab. inguruko informazioa eskaintzen du.

En la jornada Pyretic, organizada por los clusters informáticos de Nafarroa Garaia y Aquitania, estudiarán los retos y el desarrollo de las TICs en las empresas de dichos territorios. El día 20 de octubre tendrán lugar conferencias, talleres y debates de gran interés dentro del programa de Pyretic.

Orkestra-ko azken txostenaren arabera berrikuntza elementu garrantzitsua izan da lehikortasunaren inguruko gogoetan baina bizitako eskenategi aldaketak giltzarri izango diren elementu berriak garatu beharrera garamatza.

2006-2008 epealdian Iparraldeko establezimendu kopurua %5,3 hazi da eta enplegua aldiz %2,9. Joera hori ordea ez dator bat Iparraldeko lurralde eremu guztietan: BAB, Amikuze eta Lapurdi Behereako eskualdeetan establezimenduen kopurua nabarmen igo den arren langileen kopurua jaitsi egin da. Ikus Baionako Merkataritza Ganbarak ateratako azken txostena: Ipar Euskal Herriko eta bere lurraldeen egoera ekonomikoa.

Euskal Herri Hegoaldeko Herri Elkargoak Lapurdi Hegoaldeko 12 herri biltzen ditu bere baitan, hasi Hendaia, Ainhoa, Arbona eta Getariraino, bertako eta beraien garapen ekonomikoa kudeatzeko asmoz betiere guztientzat garapen sostengarri bat lortu nahiean. Elkargoak ez du izaera administratiboa, batez ere, giza baliabideen eta indarren metaketa edo elkartzea da.

Aplikazio guztiak erabat garatu ditu www.atlasa.net atariak. Horretaz gain, argibideetarako atal berezi bat landu da adibide praktikoekin osatuta Atlasa erabiltzen ikasteko. Bideoak eta azalpenak aplikazio ikusgarri honentzat.

Gaindegiak Kutxako Gizarte Ekintzarekin hitzarmena sinatu du berriki Euskal Herriko ekonomia eta gizartearen gaineko ikerketak editatu eta zabaltzeko.
Egingo diren lanen artean daude, besteak beste, Euskal Herriko Adierazle Nagusien zerrenda, www.atlasa.net gunea edota Euskaraz eskolatuen ibilbide sozio-profesionala Iparraldean.

Ekainaren 13an, Gaindegiak 2009ko Bazkideen Batzar Nagusia ospatu zuen. Zuzendaritza berritzeaz gain 2009 urteko jarduera plana onartu zen. Aurrera begira sozializazioak inoiz baino pisu eta garrantzia gehiago izango du Gaindegiaren jardunean.

Uztailaren 2an, osteguna, arratsaldeko lauetan hasita, Gaindegiak, www.atlasa.net, Euskal Herriko ekonomiaren eta gizartearen Atlasa proiektua aurkeztu eta proiektuari erabilera pertsonala nola eman erakutsiko du Hik Hasi-ko udako ikastaroetan, Donostian.