Azken argitalpenak

Azken 10 urtetan hiri hondakinen ekoizpena %17 hazi da Euskal Herrian, kontsumo nahiz ekoizpen gaitasunarekin batera. Euskal Herritar bakoitzak 1,4 kilo hiri hondakin sortzen ditu egunean. Bizkaitarrak dira zabor gehien pilatzen dutenak, urteko 552,797 kilo biztanleko. Beste muturrean, ekoizpen baxuenarekin Ipar Euskal Herritarrak dira, 404 kilo zabor ekoitziz. Berria, Harian, 2007/11/28.

Euskal Herriko Laborantza Ganbarak, Itsasmendikoi erakundeak eta Udalbidek bi urteko hitzarmena sinatu dute hegoaldeko laborantza nahiz itsasoko produktuak Zuberoa, Lapurdi eta Nafarroa Beherean ezagutarazteko.

Dagoeneko 83 euskal enpresak Txinako merkatuan lehiatzen dute. Berriki, MCC-k industriagune berria inauguratu du. Bertan, Wingroup-Dikar, Orbea, Orkli eta Oiarso kooperatibak lekua hartu dute eta etorkizunean, enpresa gehiago gehitzea espero dute. Loturak.

Iparraldeko kosta eta barnekaldeko loturen inguruko eztabaidan lurren erabileraren kudeaketa egokia beharrezkoa dela nabarmendu zuen Jean Jacquez Lasserre-k, Kontseilu Nagusiko presidenteak, enpresak, laborariak eta etxegintzak lur eskasiari eta honen prezio altuei aurre egin behar baitiote. Berria, 2007ko azaroaren 11.

Bitartekaririk gabe, esne ekoizleek esnearen prezioa ezarri eta horretan eragina izan dezaten egitura berri bat sortzen dabiltza ELB eta EHNE sindikatuak. Irakurri albistea.

Estia Baionako ingeniari eskolak, lankidetzan Bilboko ingeniari eskolarekin diharduenak formazio proiektuetan, lantzen dituen hiru alor desberdinetarako (metalmekanika, informatika eta kirol eta itsas ingeniaritza) proiektu berriak aurkezteko deialdia ireki du azaroa bukaera bitarterarte. Xehetasunak.

Irailaren 29an Gaindegiak eta Nabarraldek antolatutako jardunaldi arrakastatsuak dokumentu baliagarri batzuk utzi zituen Euskal Herriko lurralde antolamenduaren aferaz. Hona hemen, horietariko batzuk.

Euskal ekonomia sustatzeko Jaurlaritzak BPGaren %2,25 bideratu nahi du Zientzia, Teknologia eta Berrikuntzan. Datuek zer hobetua badagoela adierazten dute: hezkuntza mailan Euskal Herria Europako herrialde aurreratuenen pare dago, baina jakintza hori ez da patente kopuruan islatzen. Goi eta ertain teknologiako okupazio tasa adierazgarria da baina goi teknologiako esportazioak oso baxuak dira.

Irakurri erreportajea. BERRIA, Egitura gehigarria, 21-24 orrialdeak.

Iparraldeko biztanleen %39ak (13 urtetik goragokoak), 85.700 pertsonak, astean behin gutxienez euskal hedabideak entzuten ditu. Hori adierazten du, Euskararen Bulego Ofizialak (OPLB) egindako txostenak. Irakurri albistea Le Journal egunkarian.

Frantziako estatuak zerbitzu publikoak murriztu ditu departamendu bakoitzeko hiriburuetara mugituz erabakiguneak. Iparraldea, beraz, egiturarik gabe geratzen ari da. Berria, Harian 2-3, 200710/23.

Ipar Euskal Herriko lan merkatuaren azterketa martxan jarri du Gaindegiak. Txostenak hainbat galdera erantzungo ditu: zein da egoera, zein da bertako gazteriaren lan ibilbidea, zeintzu dira enplegu politiken desberdintasunak...

Iparraldeko kostaldearen eta barnekaldearen arteko harremanak eta hauen beharrizanak aztertutuko dituzte Hemen elkarteak azaroaren 10ean antolatutako jardunaldian.