Azken aste hauetan, jaiotzen inguruko datu berriak argitaratzearekin batera, zahartze demografikoa eta Euskal Herriko biztanleriaren balizko galera mintzagai ditugu. Sarritan aipatu dugun bezala, populazioaren egitura eta bere bilakaera gizartearen historiaren isla dugu, gure jendartearen eboluzioaren ispilu.
Liburu honek izen handiko 13 pertsonaren iritziak biltzen ditu, guztiak ere hemen eta munduan gertatzen denaren jakitun direnak. Iritziak galderen bidez bildu dira, eta galderen helburua izan da Euskal Herriak alor ekonomiko eta sozialean dituen erronkak azaltzea.
Liburu hau irakurtzea merezi du, benetan, ez baita batere ohikoa hain ibilbide ezberdineko jendea biltzea elkarrizketa-liburu batean eta elkarrizketa horien haria hain originala izatea.
Aurreko urtearekin alderatuta, Hegoalden turismoak sortu zituen lanpostuek beherantz egin zuten (-%6,1), aldiz, Iparraldek lanpostuak sortzeko dinamikari eutsi zion 2012an (+%3,4), Baionako Merkataritza Ganbarako datuen arabera.Estu eta larri dabiltza Gipuzkoako herritarrak, familiak eta estamentu gehientsuenak. Eguna joan eta eguna etorri gainbehera doaz enpresa ezagun ugari, eta txiki-ezezagunak are gehiago. Fagor Etxetresnak (FET) kooperatibaren ibilerak are gehiago astindu ditu bazterrak, izan ere, honekin batera 200 enpresa hornitzaile eta 4.000 lanpostu inguru auzitan gelditu dira.
Gure ekoizpen ehuna eta bere geroa askoren agendan lehentasun dira azken aldion. Gutxi dira horrenbesteko eragina duten arloak. Fagor Etxetresnak-ek hartutako azken erabakiek eta hauek eragindako dardara adibide ona dira esandakoa ulertzeko. Ogibidea edo nahiago bada Euskal Herriaren ekoizpen eredua eta bere lehiakortasuna herri izaerako auzi bihurtu zaizkigu, enpresa edo lan auzietatik haratago doana.
Gaurkoan Nafarroako pobrezia eta gizarte bazterketaren kontrako sarearen batzorde iraunkorrak idatzi du blog-erako, Gaindegiaren azken txostenaren harira "Pobrezia eta bazterketa Euskal Herrian". Elkarte honek Nafarroari begiratu nahi izan dio; izan ere, Euskal Herrian bezalaxe, Nafarroan ere gora egin du pobrezia egoeran dauden pertsonen kopuruak, eta Administrazioak aurrera eraman dituen neurriak ez dira nahikoak pobreziari aurre egiteko.