Gaindegiak, 2008ko ekainaren 6an, Euskal Herriko adierazle ekonomiko eta sozialak neurtzen izeneko lana aurkeztu zuen. Jarraian, Enekoitz Etxezarreta eta Jon Larrañaga ekonomilariak eta EHUko irakasleek, Euskal Herrirako adierazleak zehazteko erabilitako metodologia irizpideak aurkezten dira.

Iparraldeko enpresariek etorkizuna garapen jasangarrian dakusate eta Baionako Merkataritza Ganberak zerbitzu bat martxan jarri du blog eta guzti. Estiak, Bidarteko ingeneritza eskolak, aldiz, ikerketa ardatz batzuk ezarri ditu gaiaren inguruan. Irakurri gehiago BERRIA, 2008/04/03.

Iparraldeko industria jarduera ahula da eta ahultzen doa zerbitzu sektorearen onurarako. 942 enpresa daude; lau urtean 50 itxi dira eta 1000 enplegu galdu. Horietatik guztietak 37 soilik dira 50 langiletik gorakoak eta 37tik 17k, berriz, erabaki guneak atzerrian dituzte. Datuen iturria: Baionako Merkataritza Ganbera.

Zientzia eta teknologiaren inguruko tesiak saritzen dituen lehiaketa martxan jarri du Elhuyar Fundazioak. Ikertzaile gazteek egindako tesiaren laburpen bat aurkeztu beharko dute maiatzaren 30a baino lehen. Ikusi oinarriak www.basqueresearch.com web gunean.

SEI (Systèmes d´Equipements pour l´Informatique) enpresa ohiaren porrotaren azterketa egiten du Xabi Larraldek bere tesian. Baionako enpresa hau Iparraldeko kooperatibismoaren erreferenteetako bat izan zen. Ikus albistea, GARAn, 2008/03/23.

Baionako Merkataritza Ganberak Iparraldeko egoera ekonomikoaren inguruko hainbat ikerketa eta txosten kaleratu ditu eta bere web gunean eskuragarri daude. Horietako batek Iparraldeko eta bertako lurraldeen arteko egoera ekonomikoa aztertzen du: lurraldea, populazioa, enpresen demografia eta sektore ekonomiko desberdinak.

EKONOMIAZ lau hilabetekariaren azken zenbakian euskal enpresek eramandako gizarte erantzunkizun ekimenak aztertzen dira, batez ere, Xertatu proposamena. Era berean, Gipuzkoako Foru Aldundiak, "Enpresa eta gizarte erantzunkizuna Gipuzkoan" izenburuko argitalpena kaleratu du. Ikus Iñaki Beti, liburuaren egileetariko bati eginiko elkarrizketa NOTICIAS DE GIPUZKOA egunkarian.

Euskal Herriko ekonomiaren zati garrantzitsua dira familia enpresa txikiak zein ertainak, baina gehienak arazoak dituzte erreleboari eusteko: soilik heren bat iristen da bigarren belaunaldira eta erdia hirugarrenera. Egoera honen aurrean, Euskoganberak Familia Enpresen Foroa izeneko ekimena sustatu du enpresaburuak hezteko, informatzeko eta oinordekoak prestatzeko.

Irakurri honen inguruko erreportajea 2008ko martxoaren 30eko BERRIAko EGITURA gehigarrian.

Forokoop egitasmoa martxan da. Euskal Herriko kooperatibek gogoeta, iritzi trukaketa eta elkarrekin komunikatzeko foroa sortu dute Eusko Ikaskuntzak, Euskadiko Kooperatiben Goren Kontseiluak eta Euskadiko Kooperatiben elkarteak. Foroak kooperatiben munduan lan egiten duten euskaldunentzat baliagarri izateko asmoa du.

Informazio gehiago www.euskosare.org web gunean.