Lan istripuak %38 murriztu dira azken 25 urteotan, baina ezbehar gehiago gertatu dira joan-etorrietan. 2014an, baja ekarri zuten 29.226 lan istripu erregistratu ziren Hego Euskal Herrian, 2.609 istripu 100.000 langileko.
Hemendik eta 2030era, heren bat haziko da 65 urtetik gorakoen kopurua, 14 urtetik beherakoena laurden bat baino gehiago murriztuko den bitartean. Laburki esanda: euskal herritar gutxiago izango gara, baina batez ere, zaharragoak.
2015eko lehen hiruhilekoko datuen arabera, Euskal Herriko langabezia-tasa %15,9koa da (INE), aurreko hiruhilekoan bezala. Iazko epe berarekin alderatzen badugu, ostera, langabezia-tasa 0,9 puntu txikiagoa da egun.
Krisialdi garaian Espainiako Estaturanzko esportazioek gainbehera bizi izan duten arren euskal enpresen nazioartekotzeak goraka egin du.
2007an Hego Euskal Herrian egindako kontratazio guztien %78,9 zegoen zerbitzuei lotuta, eta proportzioa %84,1eraino igo zen 2013rako. 2013tik 2014ra, aldiz, ia hamar puntuko jaitsiera gertatu da, hain zuzen, industriako kontratazioak oso nabarmen hazi direlako.
Ipar Euskal Herrian egunotan egiten ari diren departamendu bozek bertako kantonamenduen errealitatera gerturatzeko aukera ematen dute. Hauteskunde hauen ondoren, Pirinio Atlantikoetako Kontseiluak 54 ordezkari izango ditu, kantonamendu bakoitzeko bina, eta horietatik 24 Ipar Euskal Herrian aukeratuak izango dira.
Azken hilabeteotako datuek diote Euskal Herria ari dela pixkanaka enplegua sortzen. Kualitatiboki, baina, urteotan hartutako neurriek arrasto sakona utzi dute: gaur egun sinatzen diren 10 kontratutik 9 aldi baterakoak dira, zerbitzuen sektoreko enpleguaren pisua hazi da industriarenaren kaltetan, eta egungo kontratuetan egonkortasun eza da nagusi.
Gizarte ekonomiaren zati handi bat kooperatibek hartzen dute. Gaur egun bi mila kooperatiba inguru daude Euskal Herrian; elkarlanezkoak dira ezagunenak, baina beste kooperatiba mota batzuk ere arruntak dira, esaterako, nekazaritza kooperatibak.
Familien egitura asko aldatu da azken urteotan. Euskal Herriaz dauden datu berrienen arabera (2011 urtekoak), batez beste 2,4 lagun bizi dira gurean etxe bakoitzean. 2001ean 2,8 ziren. Beherakada nabarmena da, beraz. Eskualdeka desberdintasun nabarmenak daude Euskal Herrian.
Krisi garaian parekatu egin dira gizon eta emakume landunen kopuruak, baina ez lan baldintzak. Euskal Herrian, gizon eta emakume landunen arteko soldatan 7.688 euroko aldea dago urtean, batez beste. Kontratazioei eta lanpostuei begiratzea komeni da, desberdintasun handi hori nondik datorren ulertzeko.
Euskal Herriko flotak %37 egin du behera 2002tik 2012ra; alegia, flota heren bat txikitu da, baina harrapatzen den arrain kopuruak ez du behera egin. Euskal Herriko arrantza flota 363 ontzik osatzen dute: 93 Gipuzkoan aritzen dira, 125 Bizkaian, 142 Lapurdin eta 3 beste lurraldeetan. Flota gehientsuena baxurakoa da; 269 ontzi, zehazki.
UEMAk eskatuta, Hego Euskal Herriko lurgune euskaldunaren gizarte eta ekonomiaren bilakaera aztertu du Gaindegiak. 162 udalerrik osatzen dute Hego Euskal Herriko lurgune euskaldun hori, eta 375.000 biztanle baino gehiagok.