Langabetu kopurua Euskal Herrian 200.000tik beherakoa da berriz ere lau urte eta gero (INE)
2015eko hirugarren hiruhileko datuen arabera, Euskal Herriko langabezia-tasa %13,50koa da (INE), 1,3 puntu baxuagoa bai aurreko hiruhilabetearekiko zein iazko epe berarekiko. EUSTATek atzo kaleratutako datuen arabera, aldiz, langabaezia tasa soilik 0,1 puntu jaitsi da azken hiru hilabeteetan.
INEren datuen arabera, soilik Nafarroa Garaian igo dira langabezia-tasa (+1,0) eta biztanleria aktiboa (+3.600) azken hiruhilekoan. Gainontzeko lurraldeetan jaitsi egin dira biak. Euskal Herri osoan, aurreko epealdiarekin alderatuta, langabetuak 21.100 gutxiago eta aktiboak 10.000 gutxiago dira.
Datu hauekin, Bizkaian dago langabezia-tasarik handiena (%14,9), baita EUSTATen datuen arabera ere.
Azken hiruhilekoan Euskal Herriko eta EB-28ko langabezia-tasen arteko aldea 0,8 puntu murriztu da, baina Euskal Herriko langabeziak 4,5 puntu handiagoa izaten jarraitzen du (INE).
Analisi sakonagoa: Lan merkatuaren egoera Euskal Herrian argitalpenean (2014ko ekaina, Gaindegia).
Eranskinak