Albisteak

Aldagai ekonomiko nagusien bilakaera

Ekonomiaren bilakaera historikoa

Gerraondoko hamarkadek hazkunde bizia ekarri zuten mendebaldeko ekonomia gehienetan. Ipar Euskal Herriak industria galdu zuen bitartean (Parisko lurralde-antolaketa irizpideak jarraituta), Hego Euskal Herriak hazkunde aldi indartsu eta luzea ezagutu zuen. Industrializazioak gure herriaren ezaugarri guztiak eraldatu zituen. Halere, industrializazio hura Frankismoaren babesa zuen elite ekonomikoak lideratu zuen, haren esku egon zen zer ekoitzi, nola ekoitz, non eta zenbat.

Langabezia Euskal Herrian - taula- 2019ko bigarren hiruhilekoa

Euskal Herriko langabezia-tasa %8,30era jaitsi da

> 2019ko bigarren hiruhileko datuen arabera, Euskal Herriko langabezia tasa %8,30koa da (INE), aurreko hiruhilekoan baino 0,79 puntu apalagoa. EUSTATen arabera ere langabezia apaldu egin da azken hiruhilekoan, eta Euskal Herriko langabezia tasa 8,95an kokatzen du. Denboran hamarkada bat atzera egin behar da maila horretako langabezia topatzeko.

Biztanleriaren bilakaera eta hirigune funtzionalak

Udalerrien erdiak biztanleria galdu du azken hamarkadan

Herritar kopuruak goranzko joeran darrai laugarren urtez, eta honezkero, Euskal Herriak 3.152.200 biztanle ditu. Azken urtean hazkunde demografikoa positiboa izan da, berriz ere, atzerriko biztanleria etorkinari esker. Bizkaian, esaterako, etorkin berriak medio herrialdeak biztanleria galtzeari utzi dio azken biurtekoan. Zuberoa da, bere aspaldiko joeraren baitan, 2018 urtean herritarrak galtzen jarraitu duen herrialde bakarra. Baina lurraldeari bestelako begiradarekin behatuz gero, Zuberoaren despopulazioa ez da arreta merezi duen fenomeno bakarra.

Lurraldetik kanpo jaiotako biztanleria

Euskal Herria: harrera herri bat, bi errealitate

Globalizazioak eta munduan zehar milioika lagunen desplazamendua eragiten ari diren zailtasunek (gerrak, pobrezia, orotariko esklusioak…) isla argia izan dute euskal gizartean. Gertaera historiko honek, ordea, XXI. mendea hasi zenetik ezaugarri bereziak hartu ditu. Hego eta Ipar Euskal Herrian joera desberdinak daude, eta ondorioz, eraikitzen ari diren gizarteen konposizioa desberdina da. Hegoaldeak eta iparraldeak dinamika antagonikoak dituzte hein batean, euskal komunitate nazionalaren kohesioa gordetzeari dagokionez horrek dakarren guztiarekin.

Euskal Herria berrikuntza jardueretan puntako erregioetatik gero eta urrunago

Europako Batzordeak Erregioen Berrikuntza Panela gaurkotu berri du. Bi urte pasa dira erregioen berrikuntza-maila azken aldiz neurtu zuenetik, eta 2019 urteari dagokion ariketan aldaketa metodologiko txiki batzuk egin ditu. Oraingo honetan, Europako 238 erregioen berrikuntza-maila 17 aldagaien arabera neurtu eta erregioak lau talde nagusitan multzokatu ditu, eta lau horien barruan, hiru azpi-multzotan sailkatu.

Euskara partekatuko dugu? maparen aurreko aldea

Euskara partekatuko dugu?

UEMA, Udalerri Euskaldunen Mankomunitateak biztanleen %70etik gora euskaldunak diren udalerrien mapa kaleratu du. 'Euskara partekatuko dugu?' leloaren segidan, euskaraz gain, gazteleraz, frantsesez, ingeleraz, katalaneraz eta galegoz ematen die ongi-etorria mapak UEMAn dauden udaletara hurbiltzen diren bisitariei. Gaindegiak eta Gislan Kooperatiba Elkarteak elkarlanean landu dute euskarria.