2011n Hegoaldean 28.555 hipoteka eratze izan ziren, aurreko urtearekiko %23,5 gutxiago. Espainiako Estatistika Institutuak (INE) aurreratutako datuen (behin-behineko) arabera 2011n hipoteka eratzeen kopurua nabarmen jaitsi da berriz ere. 2007rarte hazkundea positiboa izan zen baina beheranzko joera hartu zuen 2010eko salbuespenarekin (%7,2).
Beraz, 2011n jazo da etxebizitza hipoteka eratze jaitsierarik handiena krisia lehertu zenetik.
Hipoteka bolumen horrekin banku-entitateek maileguz utzitako diru kopurua 3.968,749 milioi eurotakoa izan zen, aurreko urtearekiko %24,6 gutxiago. Etxebizitza gaineko hipoteka eratzeen bataz besteko balioak %1,5 egin zuen behera, eta 138.986€ko balioa izan zuen.
Herrialdeka, hipoteken bataz besteko balioaren jaitsiera Gipuzkoan (%-4,4) eta Bizkaian (%-2,1) eman zen non Hegoalde osoko hipoteken preziorik altuenak dauden. Beste aldetik, azken lau urteotan prezioan murrizketarik handienak pairatu arren, 2011n Nafarroa Garaian, hipoteken bataz besteko balioa %1,4 igo zen eta Araban %0,4.
2011n zehar, etxebizitzen gaineko hipoteka eratzeen murrizketarik handiena Araban eman zen (%26,2), 2010ean antzeko balioko hazkundea izan ostean. Jaitsierarik apalena Gipuzkoan gertatu zen (%21,2). Nafarroa Garaian soilik gertatu da, ordea, azken bost urteetan etxebizitzen gaineko hipoteka eratzeen kopuruak behera egitea urtero.
| Etxebizitza hipoteka kopurua. Hegoaldea, 2005/2011 | ||||||||
| Hazkundea | Hipoteka kopurua | |||||||
| 2005 | 2006 | 2007 | 2008 | 2009 | 2010 | 2011 | 2011 | |
| Araba | 26,9 | 9,8 | 14,2 | -22,7 | 5,6 | 26,7 | -26,2 | 5.711 |
| Bizkaia | 12,6 | 2,6 | -19,0 | -15,1 | -19,5 | 6,7 | -23,7 | 10.706 |
| Gipuzkoa | 0,0 | 9,0 | -13,5 | -14,8 | -14,7 | 3,3 | -21,2 | 6.665 |
| Nafarroa Garaia | 8,3 | 5,4 | -7,9 | -29,7 | -14,5 | -3,8 | -22,7 | 5.473 |
| Hegoaldea | 9,9 | 5,5 | -11,3 | -19,7 | -13,7 | 7,2 | -23,5 | 28.555 |
| * 2011 urteko datuak ez dira definitiboak. | ||||||||
| Iturria: INE. | ||||||||
| Bataz besteko etxebizitza hipotekaren balioa (€). Hegoaldea, 2005/2011 | ||||||||
| Hazkundea | Hipoteka kopurua | |||||||
| 2005 | 2006 | 2007 | 2008 | 2009 | 2010 | 2011 | 2011 | |
| Araba | 0,7 | 16,7 | -7,9 | 8,1 | -15,8 | -8,2 | 0,4 | 113.448 |
| Bizkaia | 10,2 | 11,4 | 8,9 | -2,9 | -10,3 | 5,4 | -2,1 | 153.158 |
| Gipuzkoa | 12,9 | 7,2 | 9,3 | -3,0 | -8,8 | 4,2 | -4,4 | 152.855 |
| Nafarroa Garaia | 12,1 | 11,0 | 9,2 | -7,1 | -8,6 | -5,8 | 1,4 | 121.024 |
| Hegoaldea | 10,1 | 10,8 | 6,3 | -1,9 | -10,9 | 0,4 | -1,5 | 138.986 |
| * 2011 urteko datuak ez dira definitiboak. | ||||||||
| Iturria: INE. | ||||||||
