Hamaika Telebistarekin batera egiten dugun EUSKAL EGITURA saioan, aste honetan Mario Zapata ikerlariari egin diogu elkarrizketa, “Aniztasunaren Gida” proiektua gertutik ezagutzeko asmoz. Aniztasunaren gidaren baitan, jatorri eta kultura-identitatearen inguruan antolaturiko eragileak aurkitu daitezke. Paperezko zein on-line argitalpenean, 1.000 eragiletik gora daude bilduta, udalerriz udalerri Euskal Herri osorako.
Bestalde, astero egiten dugun bezala, gure asteko dossierraren zertzeladak eman ditugu: Euskal Herriko gazteen ihesa. Zenbat dira atzerrira joaten direnak ikastera edo lan egitera eta zeintzuk bueltatzen direnak? Joandako berak dira etorritakoak?
