Euskal Kosta-Aturri Herri Elkargoa
Bidart eta Bokale Biarritz-Baiona-Angelu Hiri Elkargoaren parte izango dira Euskal Kosta-Aturri Herri Elkargoa osatuz. Pertsona gehien ordezkatzen duen herri elkargoa izango da hau, 125.000 lagun, Iparraldeko biztanleriaren kostalderako biztanle kontzentrazioarekin bat dator; kostaldean, 160.000 pertsona biltzen dira, lurralde osoko %60a. Irakurri albistea www.kazeta.info.
Gizarte kohesioa garraio kohesioaren harira
Donostiatik Miarritzeko aeroportura joateko abian jarri den autobus zerbitzu berriak agerian utzi du euskal lurraldeen arteko kohesio eta lankidetza beharra gizartearen premiak ase eta osatzeko. Gipuzkoako Foru Aldundiak zerbitzu berria ipini du martxan bidaiarien eskaerei erantzunez. Irakurri albiste osoa Diario Vasco egunkarian.
Iparraldearen eta Hegoaldearen bateraezintasuna?
Hegoaldea eta Iparraldea elementu asko medio elkarrengandik oso urrun daudela senti daiteke baina lankidetzaren formula oso baliagarria litzake euskal lurraldeen errealitate ekonomiko eta sozial desberdinak uztartu eta osagarritzeko. Xabier Isasi eta Imanol Esnaolak Gaindegiak antolaturiko Jarduera ekonomikoen erronkak Euskal Herrian mahai inguruan jasotako hainbat ideien inguruan hausnartzen dute. Irakurri iritzi artikulua.
Mugarik ez lan bilaketan Euskalherrilan-ekin
Euskal Herrian lan bila eta formazioa jasotzeko plataforma abian da, Euskalherrilan. Ekimen hau Euskal Herriko lurralde eta pertsonen behar desberdinak osatzera dator, Iparraldeko zein Hegoaldeko lan merkatuak osagarrituz eta bertako beharrak erantzuten lagunduz.
Bihartean: lankidetzan lurraldeen arteko kohesioa garatzeko
Aurrez ematen zen harreman ekonomiko eta komertziala garatzeko eta sinergiak bilduz lan egiteko Gizpuzkoako eta Baionako Merkataritza ganbarek Bihartean izeneko egitura sortu dute. Europako Batasuneko onespena eta laguntza dute eta mugaz gaindiko mota honetako lehenengo proiektua da eremu honetan.
Euskal Herriak, erronka sozio-ekonomikoak
Liburu honek izen handiko 13 pertsonaren iritziak biltzen ditu, guztiak ere hemen eta munduan gertatzen denaren jakitun direnak. Iritziak galderen bidez bildu dira, eta galderen helburua izan da Euskal Herriak alor ekonomiko eta sozialean dituen erronkak azaltzea. Gaindegiak kaleratu duen elkarrizketa liburua soilik web bitartez eros daiteke. Informazio osagarri gehiago hemen.
Gobernantza eta lurralde-lehiakortasunaz Ekonomiaz aldizkarian
Europako Batasuneko testuinguruan lurraldeen eta erregioen arteko lehiakortasunak geroz eta pisu handiagoa du. Ekonomiaz aldizkariaren azken alean, Araba, Bizkai eta Gipuzkoako kasuak aztertzen dira erreferentzia desberdinak aintzat hartuz: Innobasque, garapen agentziak, klusterrak... Irakurri Ekonomiaz 74 zenbakia.
Independentzia ekonomikoa
Krisia ekonomikoa soilik ez dela arras konbentzituta dago Nekane Jurado ekonomialaria eta Euskal Herriaren etorkizun sozio ekonomikoari begira autogobernua eta independentzia proposatzen ditu soluzio posible gisa. Independencia: de reivindicación histórica a
necesidad económica izeneko liburua da egilearen azken lana, Txalaparta argitaletxearekin argitaratua. Erreferentzia gehiago.
Iparraldeko barnekaldean enpresak sustatzeko ekimena
Tokiko ekonomia biziberritzeko helburuz, urriaren 14ean Donapaulen enpresak sortzen laguntzeko jardunaldia antolatu da. Bertan, arloko profesionalak bilduko dira gerturatzen den orori laguntzeko. Horien artean izanen dira Xiberoako Odace eta Baxenafarroko Indar Elkarteak. Irakurri albistea Kazeta.info-n.
Erregio polinuklearraren garapen armonikoa formula egokia da Euskal Herriko ezaugarrientzat
Euskal Herriaren puntu ahulen artean Xabier Isasik lurraldeen arteko kohesio falta nabarmentzen du, batez ere, eta gestio integralerako herraminten karia. Indarguneen artean, berriz, kokatzen ditu bere garapen maila altua eta euskara eta kultura, bertako gizarte kohesionatuaren adierazle. Irakurri GARA egunkarian, 2010/10/03an egindako elkarrizketa.