Argitalpenak

Krisialdi garaian diru sarrerak txikitu badira ere, gastuek gora egiten jarraitu dute, eta familien erosteko ahalmena murriztu egin da, horrenbestez. Datuok aztertu ditugu aste honetan Azpimarra saioan.

Euskal Herria oso ondo kokatuta dago Europan berrikuntza mailari dagokionez, baina gabezia handiak ditu patenteen erregistroan. Gurean,2010 urtean, 51,4 patente erregistratu ziren milioi bat biztanleko; Europar Batasunean, batez beste, 111 patente erregistratu ziren milioi bat biztanleko.
 

Hego Euskal Herriak 1.104.476 bisitari jaso ditu aurtengo udan, ekaina eta abuztua bitartean. Iparraldeko datuak ez dira argitaratu oraindik, baina iaz 400.969 lagun izan zituzten bisitan denbora tarte berean. Hori horrela, Euskal Herriak ez du turismorako duen erakarpena galdu krisia hasi zenetik.

Gaindegiak UEUrekin "Euskal Herriko ekonomia eta gizartea aztertzeko lanabesak. GIS librea" izeneko ikastaroa antolatu du.  Ikastaro honen bitartez, Euskal Herria aintzat hartzen duten ikasle eta ikerlariei geomatikaz baliatzeko oinarrizko trebetasunak eskaini nahi dizkiogu.

Helburua Gipuzkoako datuak herritarren eskura jartzea da.

Bistaratzaile erraz batek adierazle sozioekonomiko ugari udalerrika, eskualdeka eta garapen agentziaka kontsultatzeko aukera ematen du: biztanleria, langabezia, errenta...

Eskozia eta Euskal Herriako gizarte eta ekonomiak ba al du antzekotasunik? Zein dira euren indarguneak eta ahulguneak? Bi herrien zenbait adierazle sozioekonomiko alderatu ditugu grafikoen bitartez.

Gaindegiaren azken txostenak egungo lan merkatuaren egoera ikertu nahi du. Horretarako, Euskal Herri osorako adierazle anitz landu ditu, bai eta erreferente diren Europako herrialde nahiz erregioekin alderatu ere, Katalunia, Flandes edo Eskozia kasu. 

Euskal Herriak munduko beste hainbat lurralderekin harreman estuak izan ditu mende luzetan: salgaien ekoizpena, joan etorria eta merkaturatzea. Baina hurbileko ekonomien gainbeherak hainbat enpresa itxiarazi du Euskal Herrian, eta beste batzuk merkatu berrien bila jarri: horrek denak nazioartekotzean izan du isla.

Astelehenero bezala, Imanol Esnaola Gaindegiako koordinatzailea ETB1eko Azpimarra saioan izan zen. Aste honetan gazteez eta euren lan merkatuaz hitz egin du, eta Euskal Herria osorako datu gaurkotuak emateaz gain, gure herria Europako beste zenbait erregiorekin alderatu du.