Argitalpenak

Euskal Herriko aeroportuek jaso dituzten bidaiari kopurua %60 hasi da 1999tik. Aeroportu bakoitzak zerbitzu desberdinak eskaintzen ditu. Lautik hiru bidaiari Loiutik irteten dira, Forondakoan, aldiz, merkantzia garraioa da nagusi. Miarritzekoa hegaldi merkeetan ezaugarritzen da.

Gorabeherak izan arren, Euskal Herriko industria sektorea egoera onean dago; horren adierazle 2009 urterarte eskabide-zorroa osatua dutela. Iparraldeko errealitatea, aldiz, bestelakoa da. Sektoreko enpresa nagusiek egoitza soziala kanpoan dute eta honek erabat baldintzatzen du hauen geroa.

Ipar Euskal Herrian etxebizitza berri baten metro karratua 3.235€tan saltzen da. Bataz besteko hau Pariskoen zein Azurreko kostaldekoen oso antzekoa da. Hendaian, baina, Hego Euskal Herriko ekonomiaren eraginez etxebizitzen merkatuak beherakada nabarmena jaso du. Irakurri albistea.

"Espainiako Etxebizitzen Alokairuen Estatistika" txostenak argitzen duenez, Madril ostean EAEko eta Nafarroako alokairuak dira garestienak. Irakurri txostena hemen.

JEZ enpresak, Laudion kokatua, egoitza berria irekiko du Ipar Euskal Herrian 43 lanpostu berri sortu eta 15 milioi € inguruko inbertsioa eginez. Deslokalizazioa eta kapital inbertsioak kanpora desbideratzen diren honetan Urtsa Errazti eta bere enpresak lurraldearen garapenerako apostua egiten dute. Irakurri elkarrizketa hemen.

Gaindegia, Gaindegia txostena prestatzen ari da. Argitalpenak urteko egoera sozio-ekonomikoa izango du aztergai. Edukien artean, indize estatistikoak, datuak, iritziak eta analisiak egongo dira. Txostena hizkuntza desberdinetan kaleratuko da eta formatu multimedia ere izango du.

Euskal Herriko lurraldeen arteko fluxuak eta harremanak adierazten dituzten datuak geroz eta gehiago dira. Nafarroako Foru Erkidegoko bisitarien %15a EAEtik dator, horrela adierazten du Marketin-eko Plan Integralerako egindako merkatu ikerketa batek. Ikus albistea hemen.

Euskadiko Ekonomia eta Gizarte Arazoetarako Batzordeak (EGAB)"Industria politika eta deslokalizazioa Euskal Herrian" izango dute aztergai IRAILAREN 26an antolatutako ekitaldian. Ikus egitaraua eta informazio osagarraia EGABren web gunean.

Ipar-Hegoa fundazioak Lisboan finkatutako politika ekonomikoaren ildotik eratorritako enplegu-politikak aztertuko ditu irailaren 25ean, LAN EKINTZA ekitaldi aretoan, Bilbon.