Euskal Herriko ekonomiaren zati garrantzitsua dira familia enpresa txikiak zein ertainak, baina gehienak arazoak dituzte erreleboari eusteko: soilik heren bat iristen da bigarren belaunaldira eta erdia hirugarrenera. Egoera honen aurrean, Euskoganberak Familia Enpresen Foroa izeneko ekimena sustatu du enpresaburuak hezteko, informatzeko eta oinordekoak prestatzeko.

Irakurri honen inguruko erreportajea 2008ko martxoaren 30eko BERRIAko EGITURA gehigarrian.

Forokoop egitasmoa martxan da. Euskal Herriko kooperatibek gogoeta, iritzi trukaketa eta elkarrekin komunikatzeko foroa sortu dute Eusko Ikaskuntzak, Euskadiko Kooperatiben Goren Kontseiluak eta Euskadiko Kooperatiben elkarteak. Foroak kooperatiben munduan lan egiten duten euskaldunentzat baliagarri izateko asmoa du.

Informazio gehiago www.euskosare.org web gunean.

GAINDEGIA TXOSTENA 2007 argitalpena prest da.

Lauak aeronautika taldeak Ipar Euskal Herrian garatzeko erabakia hartu du: Hazparnen egoitza izaten jarraituko du 5000 metro karratuko eraikin berri bat sortuz urte amaierarako eta 220 lanpostu berri sustatuz. Orotora, iparraldean 942 enpresa daude. Aeronautika, metalgintzak eta ekipo mekanikoen sektoreek industriako lanpostuen %35a sortzen dute.

Irakurri albistea, Le Journal egunkarian, 2008/02/06.

Euskal ekonomiaren hazkundea aise mantendu da %3an Lisboako estrategian adostu moduan. Euskal Herrian sortutako aberastasuna EBneko batazbestekoaren gainetik dabil eta azken hamabi urte hauetako aldaketarik nagusiena salmenta merkatu kuotan datza, ondasun eta zerbitzuen %45a estatuko merkatutik kanpora baitoa.

Irakurri Joxe Mari Agirrek idatzitako iritzi artikulua. Argia, 2008ko otsailaren 3a.

Ekintzaletasuna aurrerapen ekonomikoarekin lotuta dago eta Euskal Herritarrak nazioarteko batazbestekoaren azpitik daude.

Txomin Peillet idazleak Zuberoa hustutzearen problematikaz duen iritzia LE JOURNAL egunkarian, 2008/01/09 argitaratua: "...Bestalde hirugarren arrazoin handia Zuberoaren husteko : ia mundu osoan jendeen %75. ak itsasotik ehun kilometroko kostalde batean bizi dira, itsasoari begira, lehorrari, kontinenteari bizkar, horregatik Lapurdiko itsas bazterrean urte oroz hiru mila jende bizitzera heldu da."

Euskal Herriko lan poltsa osatua sortuko du Hemen elkarteak Egailan eta Eusko Jaurlaritzaren lankidetzaz baliatuz. Ikus albistea, HEMEN elkarteko buletinean.

2007. urtean, Euskal Herrian langabezia tasa murriztu da eta hazkunde ekonomikoa positiboa izan da, baina Euskal Herrian 890.000 lagun daude pobreziaren mugatik behera. Irakurri erreportajea, BERRIA, 2007-12-30ko Egitura gehigarrian.

Gaur egun ditugun estatuak XIX. mendean baldintza jakin batzutan sorturiko egiturak dira eta egun, globalizazioak eta ekonomiaren mundializazioak baldintza haiek hankaz gora jarri dituenean, eraginkortasunik gabe eta beraz zaharkituak geratu dira. Testuinguru honetan, garrantzia geroz eta handiagoa hartzen dihardute eskualdeetan oinarrituta sare-egiturako lankidetza moldeek autore gehienek defendatzen dutenez.