Azken hiru hilabeteko INEren datuen arabera, Euskal Herrian 233.300 langabetu daude, urteko lehen hiru hilabetearekin alderatuz gero, 15.700 gutxiago.
1,1 puntu jaitsi da, beraz, langabezia-tasa azken hiru hilabete honetan, eta Gipuzkoan izan ezik (1,6 puntu igo da hemen), Euskal Herriko lurralde denetan jaitsi edo mantendu egin da. Araba da langabezia altuena duen herrialdea (%16,8), eta Euskal Herriko langabezia-tasaren (%15,7) gainetik kokatzen da. Europar Batasuneko 28 herrialdeen batez bestekoarekin alderatuz gero, Euskal Herrian 5,3 puntu altuagoa da langabezia-tasa.
Lehen taulan langabezia-tasak izan duen bilakaera ikus dezakegu, baita iturrien arteko aldea ere (INE eta EUSTAT).
Bigarren taulan herrialde desberdinen langabezia-tasa kontsulta dezakegu, baita bakoitzean azken urteotan izan duen bilakaera ere.
Analisi sakonagoa: Lan merkatuaren egoera Euskal Herrian argitalpenean (2014ko ekaina, Gaindegia).
Oharra: Euskal Herriko lurraldeetan langabezia neurtzen dituzten iturri desberdinen datuak eskaintzen dizkizuegu hurrengo taulan. Azpimarratzekoa da zer-nolako desberdintasuna dagoen EAE-ri dagokionez EUSTAT eta INEk ematen dituen datuen artean.