Argitalpenak

Izenburu bereko liburua kaleratu du Anton Borjak, EHUko irakasleak, Gaiak argitaletxearekin. Euskal Herriko ekonomia faktore ezberdinetatik aztertzen du egungo egoera ulertzeko gakoak eskainiz. ARGIA, 2010/03/10, 2223 zb.

Bidasoaren alde bietako herritarren ezezagutzak bultzaturik, herriaren kohesiorako oinarrizko elementuen beharra sumatuta, EKEk, Euskal Kulturaren Atariak, Iparraldea bere errealitatean ezagutarazteko bideo bat sortu du Hegoaldeko gazteei zuzenduta bereziki. Ikus bideoa.

40 zientzialariz osatuko da MIK S. Coop eta Mondragon Unibertsitateak sustatuko duten Kudeaketa Aurreratuko Ikerketa Zentroa. Erakundearen helburua estrategia esparrutan sortutako eta zabaldutako ezagutzan lehena izatea da Araba, Bizkai eta Gipuzkoan enpresen eta gizartearen lehiakortasuna garatzeko. Irakurri albistea, Noticias de Gipuzkoa, 2010/02/09, egunkarian.

Eustateko Metodologia, Berrikuntza eta I+G Arduraduna da egun Anjeles Iztueta Tolosarra. Gogoan du, 1979an Araba, Bizkai eta Gipuzkoaren inguruko informazio falta ikaragarria zegoela eta egun Eustat-en lanaz haratago, Gaindegia bezalako behategien garrantzia azpimarratzen du Euskal Herriko errealitatea ezagutzeko. Irakurri Euskonews-en, 518. zenbakian egindako elkarrizketa.

Euskarak, katalanak eta galegoak telebistan beren tokia izan dezaten, "Mugarik gabeko telebista" izeneko kanpainari atxiki dira Eusko Ikaskuntza, Euskaltzaindia eta Kontseilua. Otsailaren 25ean amaitzen da elkarteok, Acció Cultural del País Valencià-rekin batera, aurkeztutako lege proiektuari babesa emateko aukera. Ikus Eusko Ikaskuntzako gunea.

Iparraldeko ekonomiaren ezaugarriek atzeraldi ekonomikoaren eraginak leundu ditu, Jean Marie Berckmansen, Baionako Merkataritza eta Industria Ganbarako presindentearen hitzetan. Ekonomia dibertsifikatua, enpresa kudeaketa burutsua eta familien kontsumoan oinarritutako ekonomia dira ezaugarri horiek. Datu garrantzitsua familia egiturak aldatzen ari direnean Iparraldean (+i data 04, Iparraldeko argazkia). Irakurri albistea prentsan.

Nafarroa Garaiko berrikuntza oinarri hartuz azterketa konparatibo bat eginez, populazio aktiboarekiko ikerketa alorrean lan egiten dutenen portzentajea oso altua da herrialde honetan Araba, Bizkai eeta Gipuzkoarekin alderatuz eta ekoizpen zientifikoari begira, beste horrenbeste gertatzen da. Irakurri, Cristina Bayona, Salome Goñi eta Javier Merino irakasleek egindako azterketa EKONOMIAZ 70 argitalpenean.

+ i data argitalpenaren azken bi zenbakietan, alde batetik, ekonomia eta gizarte gaietako adierazle hautatuak Europako Batasuneko erregioekin alderatzen dira, eta bestetik, 2009an Iparraldeko zentsuen eguneraketen ondorioz Iparraldeko argazki berritua eskaintzeko aukera izan dugu. Ikus +i data 03 eta 04.

Ekonomiaz aldizkariaren zenbaki berrian, berrikuntzako eskualde sistemak eta klusterrek duten pisua garapen ekonomikoan aztertzen du, Mikel Navarro irakasleak. Azterketa gaian sakontzen Mikel Gomez Uranga, Goio Etxebarria eta Jon Urrutia irakasleek BESen garapenetan zientzia eta teknologiako patenteen erabilera aldagaitzat hartuz, euskal industriaren sektorearen gaineko azterketa egiten dute. Irakurri EKONOMIAZ 70.

Paradigma aldaketek aukera berriak sortzen dituzte. Euskal Herriaren erronka nagusia, etorkizunera begira, azaleratzen ari diren sektoreetan apustu egitean datza Pedro Luis Uriarteren ustez. Alta, honen ustez etorkizuna egungo errealitatearen azterketatik dator eta indargunea hezkuntzan beharko luke etengabeko aldaketan baikaude eta euskal gizarteak egoera horretan lehiatzen ikasi behar du. Noticias de Gipuzkoa egunkarian kaleratuta 4 artikuluetan, Pedro Luis Uriartek gaiaren inguruko bere hausnarketak plazaratzen ditu. Irakurri artikuluak.