Argitalpenak

Energiaren prezio gainbeherak KPIren igoera apaldu egin du Ipar Euskal Herrian eta bere horretan mantentzera eraman du Hego Euskal Herrian. Epe motzean prezioen hazkunde negatiboa espero daiteke. Deflazioa gertatzeko, ordea, egoera hori denboran luzatu behar da. Bitartean, elikagaien saskiak igoera nabarmena izan du.

Espainiako Gobernuak martxoaren 15an ezarri zuen berrogeialdia, eta Frantziako Gobernuak, bi egun beranduago. Munduko herritarren heren batek normaltasunez etxetik atera ezinik dabil. Ezohiko egoerak erpin anitz ditu, baina COVID-19ak sorrarazitako osasun larrialdiak herritarren artean uneko egoerari aurre egiteko premia desberdinak sortu ditu.

Milurteko hasieratik Europako herrialde gehienen ekonomian industriaren pisua ahuldu egin da. Europar Batasunean manufaktura-industriaren pisua gutxitu egin da, manufaktura anitz Asia aldera kanporatu direlako; ez, ordea, Euskal Herrian bezainbeste.

2020ko martxoaren 15ko Ipar EHko herriko bozen lehen itzuliko emaitzen atlasa egin du Gaindegiak Berriaren webgune berezirako.

Emakumeen presentzia aldakorra da euskal geografian: hiriguneetan herritarren %52,2 andreak dira. Landa-eremuan, aldiz, %49,1. Industria nortasun handiko eremuetan andre-gizonen arteko jarduera eta errenta mailaren diferentzia handia da. Lehen sektorean ardazturiko landagunean, ordea, andreen laneratzea apala da eta despopulazioa ohiko errealitatea.

Langabezia tasa %8,9koa izan da 2019ko azken hiruhilekoan. Azken hiruhilekoko datuek %8,77an finkatzen dute Euskal Herriko langabezia tasa 2019an (INE), aurreko urtean baino puntu bat azpitik. 2019 urtean 14.000 bat langabetu gutxiago eta 6.900 pertsona aktibo gehiago zenbatu dira (INE).

Eusko Ikaskuntzak EAE, Nafarroa eta Ipar Euskal Herriko Ongizate sistemen eta politika publikoen alderatzea egin du Gaindegiarekin eta SIIS Dokumentazio Zentroarekin lankidetzan. Lurraldeen arteko konparazioa eta elkar ezagutza ahalbidetu nahian, mugaz gaindiko lanean interesa duten eragileentzat tresna baliotsua izan daiteke.

2013 urteaz geroztik Euskal Herrian handiagoa da heriotza kopurua jaiotzena baino, eta bien arteko tartea, handitzen ari da. Epe ertainean haurren gutxitzeak ondorio nabarmenak izan ditzake hezkuntza-sisteman, eta luzarora begira, belaunaldi ordezkapen mugatu batek gabezi desberdinen iturburu bihur daiteke.

EHNE Bizkaiarekin elkarlanean Elorrioko dimentsio sozioekonomiko nagusiak (eskaria eta sektorearen desmartxa) eta lurraren ezaugarrien azterketa, autohornikuntzarako gaitasuna aztertuz. Lur egokiaren aprobetxamendua mugaraino eramanda, Elorrion sortutako barazkietatik 27.500 biztanle elikatu litezke, frutagintzan 22.000, eta abeltzaintzan, 55.300 biztanleen elikagaiak ekoitzi.

EHNE Bizkaiarekin elkarlanean Karrantzako dimentsio sozioekonomiko nagusiak (eskaria eta sektorearen desmartxa) eta lurraren ezaugarrien azterketa, autohornikuntzarako gaitasuna aztertuz. Lur egokiaren aprobetxamendua mugaraino eramanda, Karrantzan sortutako barazkietatik 88.000 biztanle elikatu litezke, frutagintzan 547.000, eta abeltzaintzan, 529.000 biztanleen elikagaiak ekoitzi.