Skip to main content

Nolakoa izango da 2025eko gure populazioaren argazkia? Anjeles Iztueta.

Anjeles Iztueta Azkue, Matematikaria

 

Nire ustez, egun etorkizuneko argazki horren ziriborroa egin ahal izateko nahikoa datu ditugu. Ondorio hauek ateratzeko, Euskal Herri osoko datuak haintzat hartu ditut eta hori egin ahal izateko datuak Gaindegiatik jaso ditut, hemen Herri osoari buruzko datuak baitaude laburbilduta.

Eta, euroa lehertuko balitz zer?

JOSEBA BARANDIARAN, Ekonomialaria

  Galdera erraza; erantzunak baditu bere zailtasunak. Ekonomia fikzioa dakart gaur.  

Teoria: herrialdeak, arrazionalak badira, euroan jarraituko dute urtez urte eta betiko, baldin eta soilik baldin ikusten badute etorkizun hobea dutela orohar Euroguneko kide gisa, eurotik aterata baino (aldaketak dakartzan kostu guztiak kontuan hartuta). Eta arrazonamendu horrek, noski, berdin balio du periferiako Grezia nahiz erdiguneko Alemaniarentzat.

Demografia: 3.114.276 biztanle 2011n Euskal Herrian

6 urte igaro dira Euskal Herriak 3.000.000ko biztanleko muga gainditu zuenetik. 6 urteko tarte horretan, 100.000 pertsona gehiago bizi dira Euskal Herrian. Hau da, 3.016.950 lagun izatetik 3.114.276 izatera igaro gara 2011ean. Biztanleriaren banaketari dagokionez, Bizkaian biltzen da jende gehien, %37. Iparraldeko lurraldeak, dira, aldiz, populazioaren kopuru txikienak biltzen dituztenak. Iparraldeko hiru herrialdeak aintzat hartzen baditugu, Lapurdin biltzen da biztanleriaren %7,69 eta Nafarroa Beherean eta Zuberoan %0,97 eta %0,49 soilik, hurrenez hurren.

gaindegia ·k sortua ·an

Enpresa proiektu berria energia sektorean

Euskal Herrian energia sektorean inbertsioa egin eta gasaren negozioa ustiatzeko asmoz Fenix Group Development (FGD) taldea sortu berri da. Joseba Grajales enpresariak eta Jon Azua lehendakariorde izandakoak dira proiektu buruak. Irakurri albistea, 2012/03/04ko DEIAn.
gaindegia ·k sortua ·an

Pedro Luis Uriarte: "Arazo nagusi dira gehiegizko zatikatzea arlo ekonomikoan, gizartean, territorialean eta instituzionalean"

Amerikar sistema finantziariotik eratorritako krisia gainditzeko egoera hobean da Euskal Herria Espainia baino. Pedro Luis Uriartek euskal lurraldeek 5 urteko epean gaindituko dutelakoan dago krisia, Espainiak aldiz bederatzian. Euskal lurraldeek duten arazo nabaria, aldiz, ekonomialariaren ustez, bere zatikatze nabaria da arlo desberdinetan. Izan, arlo ekonomikoan, sozialean, territorialean zein instituzionalean.
gaindegia ·k sortua ·an

"Ekonomia da, artaburua!"

Herri-administrazioek finkatu duten lehentasunezko ekintza-ildoa austeritatearen printzipioa ezartzea izan da, baina agintarien ustez lortzekoak zirenen kontrako edo bestelako ondorio edo eraginak ikusten ari gara; izan ere, esan ziguten gastuaren murrizketek kontsumitzaileen eta enpresen konfiantza handituko zuela, eta konfiantza horrek gastu pribatua bultzatuko zuela, sektore publikoaren murrizketek eragingo zuten depresioa konpentsatuz.

Mobilizazio dinamika ere krisian Ipar Euskal Herrian

Arrazoirik falta izan ez zen arren, 2011n sindikatuek ez zuten, ez Ipar Euskal Herrian, ezta Estatu frantsesean ere, beren aldarrikapenik karriketan islatzea erdietsi. Gobernuari desadostasuna eta haserrea erakusteko saio batzuk izan ziren, batez ere Hezkuntzako funtzio publikoko langileen murrizketa planaren inguruan baina, egiari zor, ez ziren oso jendetsuak izan.