Azken argitalpenak

Alor desberdinetako 16 eragilek Iparraldearen etorkizunaz gogoeta egingo dute zenbait gairi erreparatuz: ekonomia, kultura, hizkuntza...

Patxi Nobliak, enpresaria eta Iparraldeko ekonomiaren biziberritze eta sustatzaileak, tokiko errealitate sozio-ekonomikoaren azterketa egiten du, Iparraldearen eta Hegoaldearen arteko harremanetan eta karietan oinarrituz. Irakurri GARA egunkarian egindako elkarrizketa, eta aldi berean, elkarrizketari lotutako bideoa, 2011/03/20.

Euskal Hiriaren kontzeptu eta izatean euskal ekonomiak, gizarteak eta lurraldetasunak pisu nabarmena dute Igor Kalzada, soziologo eta politologoaren ustez. Kalzada doktoreak bere tesia aurkeztu zuen Donostian ondorengo izenburupean: Euskal Hirirantz? Hurbilpen bat gizarte berrikuntzatik.

Iparraldeko zein Hegoaldeko euskal enpresariek elkar ezagutu eta elkarren arteko lankidetzak eta bakoitzaren errealitate desberdinen berri izan dezaten, Bihartean-ek (Gipuzkoako eta Baionako Merkataritza Ganbaren lankidetza erakundea) Martxoaren 15erako bilkura antolatu du Baionako Bazkundearen egoitzan.

Lurralde antolamendua Euskal Herrian: gaur egungo egoera, gatazkak eta erronkak liburua kaleratu berri du UEUk. Lurralde antolamenduak lurzoruaren kudeaketa baino gehiago dela iritzi zion Gaindegiak, honen inguruan antolaturiko jardunaldian.

Bidart eta Bokale Biarritz-Baiona-Angelu Hiri Elkargoaren parte izango dira Euskal Kosta-Aturri Herri Elkargoa osatuz. Pertsona gehien ordezkatzen duen herri elkargoa izango da hau, 125.000 lagun, Iparraldeko biztanleriaren kostalderako biztanle kontzentrazioarekin bat dator; kostaldean, 160.000 pertsona biltzen dira, lurralde osoko %60a. Irakurri albistea www.kazeta.info.

Donostiatik Miarritzeko aeroportura joateko abian jarri den autobus zerbitzu berriak agerian utzi du euskal lurraldeen arteko kohesio eta lankidetza beharra gizartearen premiak ase eta osatzeko. Gipuzkoako Foru Aldundiak zerbitzu berria ipini du martxan bidaiarien eskaerei erantzunez. Irakurri albiste osoa Diario Vasco egunkarian.

Euskal Herrian lan bila eta formazioa jasotzeko plataforma abian da, Euskalherrilan. Ekimen hau Euskal Herriko lurralde eta pertsonen behar desberdinak osatzera dator, Iparraldeko zein Hegoaldeko lan merkatuak osagarrituz eta bertako beharrak erantzuten lagunduz.

Aurrez ematen zen harreman ekonomiko eta komertziala garatzeko eta sinergiak bilduz lan egiteko Gizpuzkoako eta Baionako Merkataritza ganbarek Bihartean izeneko egitura sortu dute. Europako Batasuneko onespena eta laguntza dute eta mugaz gaindiko mota honetako lehenengo proiektua da eremu honetan.

Liburu honek izen handiko 13 pertsonaren iritziak biltzen ditu, guztiak ere hemen eta munduan gertatzen denaren jakitun direnak. Iritziak galderen bidez bildu dira, eta galderen helburua izan da Euskal Herriak alor ekonomiko eta sozialean dituen erronkak azaltzea. Gaindegiak kaleratu duen elkarrizketa liburua soilik web bitartez eros daiteke. Informazio osagarri gehiago hemen.

Europako Batasuneko testuinguruan lurraldeen eta erregioen arteko lehiakortasunak geroz eta pisu handiagoa du. Ekonomiaz aldizkariaren azken alean, Araba, Bizkai eta Gipuzkoako kasuak aztertzen dira erreferentzia desberdinak aintzat hartuz: Innobasque, garapen agentziak, klusterrak... Irakurri Ekonomiaz 74 zenbakia.

Krisia ekonomikoa soilik ez dela arras konbentzituta dago Nekane Jurado ekonomialaria eta Euskal Herriaren etorkizun sozio ekonomikoari begira autogobernua eta independentzia proposatzen ditu soluzio posible gisa. Independencia: de reivindicación histórica a necesidad económica izeneko liburua da egilearen azken lana, Txalaparta argitaletxearekin argitaratua. Erreferentzia gehiago.