Argitalpenak

Gaindegiak agur esango dio 2013 urteari. Urte emankorra izan da; gure asmoari jarraiki, Euskal Herriaren ekonomia eta gizartearekin zer ikusia duten hamaika gai jorratu dugu gure lan talde eta laguntzaileen artean.

Hainbat txosten kaleratu dugu, Hamaika Telebistarekin saio bat ere martxan jarri, baliabide grafikoak garatu ditugu (mapak, aplikazio dinamikoak...) eta datu sail berriak eskaini ditugu. Ezin ahaztu udan formazio eskaintza egin genuela edo hedabideetan guk jorratutako lanek oihartzun aipagarria izan dutela.

Azken hamarkadetan bizitako hazkunde demografikoa etetear dago Euskal Herrian. Horixe diote, behintzat, argitaratu berri diren Hegoalderako datuek: biztanleria galtzen hasi gara eta hazkunde natural negatiboan sartzear gaude, hiltzen direnak jaiotzen direnak baino gehiago baitira. Hala, aurreikuspenei kasu eginez, hemendik 2020 urtera bitarte Euskal Herriak urtero 15.000-20.000 biztanle galdu ditzake, eta urtero 20.000tik gora 2023.eraino salto egingo bagenu.

Aurtengo azken Euskal Egitura saioan, Sakantzen sarea egitasmoa ezagutu dugu Joseba Garmendia, EHUko ekonomia irakaslea eta Sakantzen egitasmoko kidearekin.

Aste honetan, #TurismoaEuskalHerrian dugu hizpide Gaindegian (ikus datu nahiz gogoetak azken dossierrean).

Euskal Herriko ekonomian, oro har, eta zehazki gure herrialdeetan turismo sektoreak gero eta pisu handiagoa du. 2012an zuzeneko 13.858 lanpostu sortu zituen, eta horietatik 8.475 Iparralden kokatu ziren.

Aurreko urtearekin alderatuta, Hegoalden turismoak sortu zituen lanpostuek beherantz egin zuten (-%6,1), aldiz, Iparraldek lanpostuak sortzeko dinamikari eutsi zion 2012an (+%3,4), Baionako Merkataritza Ganbarako datuen arabera.

  Aste honetan Zornotzara egin dugu salto Sutearo ekimena ezagutzeko. Horren kudeatzaile diren Izaskun Abrisketa eta Iranzun Pertika eskutik jakin dugu ohiko sistema komertzialen ondoan, garai bateko elkartasun sistemetan oinarritzen den ekimen honen berri. Bestalde, gure azken txostenetako bati ere heldu diogu, hain zuzen ere, Ipar Euskal Herriko etxebizitzen geografiari.